Բովանդակություն * | Չարենցավանի համայնքապետարանում այսօր կայացավ հերթական խորհրդակցությունը: Համայնքի ղեկավար Հակոբ Շահգալդյանը ծրագրերի և տեղեկատվական տեխնոլոգիաների բաժնի պետ Աշոտ Ծերունյանին հանձնարարեց մասնագիտական աջակցություն ցուցաբերել համատիրություններին՝ օգնելով նրանց ստեղծել ֆեյսբուքյան էջեր, տեղադրել իրենց կողմից սպասարկվող տարածքներում կատարվող աշխատանքները: Համապատասխան ընկերության հետ համագործակցության արդյունքում համատիրությունները 6 ամիս կստանան նաև անվճար ինտերնետ, որպեսզի կարողանան համակարգել իրենց նախնական աշխատանքները: «Մշակույթ» ՀՈԱԿ-ն այսօրվանից սկսել է ծառատունկը, շուրջ 1000 կանադական բարդի է տնկվելու դեպի Ալափարս և Արզական տանող հանրապետական ճանապարհին: Նախորդ տարի տնկված ծառերից շուրջ 300 հատն անհետացել են, դրանց տեղը ևս նոր ծառեր կտնկվեն: Էներգախնայող լամպերի տեղադրման աշխատանքներն ավարտվել են: Չարենցավան քաղաքն ամբողջությամբ LED լուսավորություն ունի: Համայնքի ղեկավարի տեղակալ Վարդգես Չիլինգարյանին հանձնարարվեց կազմել հարթ տանիքների ցանկ, որոնք այս տարի կվերանորոգվեն: Համայնքում մեկնարկել են նաև ասֆալտապատման աշխատանքները: Մայիսի 15-ից էլ կսկվեն Թումանյան, Խանջյան, Իսահակյան, Քոչարի, հնարավորության դեպքում նաև Շինարարների փողոցների մայթերի ասֆալտապատման, ինչպես նաև Ռուսովի փողոցում /6-րդ դպրոցից 8-րդ թաղամասի 24-րդ շենք իջնող ճանապարհ/ մայթի կառուցման աշխատանքները: Ասֆալտապատումից առաջացած մնացորդները կտեղափոխվեն 9-րդ և 10-րդ թաղամասեր: |