Այսօր համայնքապետարանում կայացած խորհրդակցության ընթացքում համայնքի ղեկավար Հակոբ Շահգալդյանն ամփոփեց նախորդ օրերի աշխատանքներն ու լսեց առաջացած խնդիրների մասին:
Գյուղերի վարչական ղեկավարներին հանձնարարվեց աշխատանք տանել իրենց բնակավայրերում աղբահանության վարձավճարների նորմալ հավաքագրման ուղղությամբ, քանի որ փաստացի աղբահանությունը կատարվում է, սակայն գումար բնակիչները չեն վճարում. սա խաթարում է աղբահանող կազմակերպության բնականոն գործունեությունը: Այս տարի, հավանաբար, Կարենիսում կբացվի նախակրթարան դոնոր կազմակերպության և համայնքապետարանի համաֆինանսավորմամբ: Տարվա ընթացքում էներգախնայող լուսավորության կանցնեն նաև գյուղական բնակավայրերը: Մարտի 20-ին էլ համայնքի ղեկավարն աշխատանքային այցով կլինի Բջնիում: Վերջում համայնքի ղեկավարը հանձնարարեց հավուր պատշաճի նախապատարստվել մարտի 23-ին նախատեսված համապետական շաբաթօրյակին: |