Բովանդակություն * | Այսօր համայնքապետարանում խորհրդակցություն էր: Համայնքի ղեկավար Հակոբ Շահգալդյանը տեղեկացավ հանգստյան օրերին գյուղական բնակավայրերում տեղի ունեցած հեղեղումների պատճառած վնասներին: Նշվեց, որ ձնհալը դեռ շարունակվում է, ուստի պետք է պատրաստ լինել գետերի նոր վարարումներին: Կարենիս գյուղի դպրոցին կից սեպտեմբեր ամսից կգործի նախակրթարան գյուղի ամենափոքր բնակիչների համար: ՀՀ Կրթության և գիտության նախարարության ծրագրերի իրականացման գործակալության կողմից կկատարվի տարածքի բարեկարգումը, ձեռք կբերվի գույք, իսկ Չարենցավանի համայնքապետարանի կողմից ամբողջությամբ կվերանորոգվի նախակրթարանի տանիքը: Խորհրդակցության ընթացքում խոսվեց գյուղական բնակավայրերում կանոնավոր, իսկ զբոսաշրջային սեզոնի բացմանը զուգահեռ նաև արտահերթ սանմաքրման, լուսավորության համակարգի վառված լամպերի փոխման, դաշտամիջյան ճանապարհների հարթեցման, աղբահանության աշխատանքների մասին: Համայնքի ղեկավարը տվեց հանձնարարականներ վարչական ղեկավարներին և սպասարկող ընկերությունների տնօրեններին: |