Բովանդակություն * | Համայնքապետարանում այսօր խորհրդակցություն էր: Քննարկվեցին մաքրության, աղբահանության, բյուջեի հավաքագրման, մշակութային միջոցառումների կազմակերպման և մի շարք այլ ոլորտային հարցեր: Ֆանտանում արդեն «Մաքուր Չարենցավան» ՀՈԱԿ-ն ավարտել է աշնանային սանմաքրումը: Հաջորդիվ ՀՈԱԿ-ի աշխատակիցները լինելու են Բջնիում, Արզականում, Ալափարսում և Կարենիսում: Ամանորյա տոներին ընդառաջ համայնքի բոլոր բնակավայրերում կփոխվեն վառված լամպերը: Դեկտեմբերի 20-ին հաջորդող մի քանի օրվա ընթացքում կկազմակերպվի մեծ նախատոնական միջոցառում, որի ընթացքում կվառվեն համայնքի գլխավոր տոնածառի լույսերը: Համայնքապետարանը կապահովի տրանսպորտային միջոցներ, որ գյուղական բնակավայրերի երեխաները ևս մասնակցեն տոնական միջոցառումներին: 2020 թվականը Չարենցավան համայնքում հայտարարված է գյուղական բնակավայրերի տարի. բոլոր խոշոր միջոցառումները նշվելու են գյուղերում: Վարչական ղեկավարները պետք է աշխատեն մշակույթի բաժնի հետ՝ միջոցառումները հստակեցնելու և ժամանակացույց կազմելու ուղղությամբ: Հաջորդ տարի մշակութային միջոցառումների համար կհատկացվի շուրջ 8 մլն. դրամ: Համայնքը պատրաստ է առաջիկա ձմռանը: Կան պահեստավորված վառելիք, աղ և ավազ: |