| Բովանդակություն * | Համայնքապետարանում այսօր կայացավ հերթական խորհրդակցությունը: Համայնքի ղեկավարը հանձնարարեց քաղաքաշինության և ճարտարապետության բաժնի պետին հայտարարել մրցույթ՝ խոշորացված համայնքի խորհրդանիշի համար, սահմանել մրցույթի չափանիշները, հաղթողին էլ պարգևատրել: Հստակ սահմանել նաև համայնքում հողհատկացում կատարելու կարգը, կազմել նախագիծը և դնել հաջորդ ամիս կայանալիք ավագանու նիստի քննարկմանը: Հանձնարարվեց նաև ընտրել անանուն փողոց՝ Ազատամարտիկների փողոց անվանակոչելու համար: Ապրիլի 25-ից էլ կսկսվեն ասֆալտապատման աշխատանքները, կենտրոնական ու ներթաղամասային փողոցներից բացի 1000քմ մակերեսով մայթերի ասֆալտապատում է իրականացվելու Չարենցավանում: «Մաքուր Չարենցավան» ՀՈԱԿ-ի տնօրենին հանձնարարվեց հողհարթեցման աշխատանքներ կատարել Բջնիի, Արզականի և Ալափարսի դաշտամիջյան ճանապարհներին, սկսել նաև սանմաքրման աշխատանքները գյուղական բնակավայրերում՝ առաջնահերթ մաքրելով Չարենցավանից Կարենիս տանող ճանապարհի եզրերը: «Մշակույթ» ՀՈԱԿ-ի տնօրենին հանձնարարվեց ծառատունկ կատարել «Ծիծեռնակ» մանկապարտեզի առջևի ցանկապատի հարակից աջ և ձախ կողմերում, մարզադպրոցի տարածքում, ինչպես նաև Ալափարս իջնող ճանապարհին: «Մշակույթ» ՀՈԱԿ-ը նաև կարգի կբերի Ֆանտանի ՀՄՊ-ին նվիրված հուշակոթողի տարածքը: Էներգախնայող լուսավորության լամպերի տեղադրման աշխատանքներն էլ ավարտվել են: Համայնքապետարանն արդեն ստացել է պատվիրած նստարանները, որոնք էլ շուտով կտեղադրվեն համայնքի բանուկ մասերում: Համատիրությունների կառավարիչները նշեցին, որ իրենց տարածքներում ևս կսկսեն սանմաքրման աշխատանքները, համայնքի ղեկավարն էլ նշեց, որ շրջայցեր է կատարելու թաղամասերում: |