Քննարկելով քաղաքացիներ Արմինե Իվանի Սերոբյանի, Վոլոդյա Սամսոնի Պանյանի, Սիրանուշ Սերգեյի Մարցևայի, Շուրա Վազգենի Մանուկյանի, Սերգեյ Վյաչեսլավի Կիրակոսյանի, Գոհար Պարույրի Վարդանյանի դիմումները, հիմք ընդունելով Չարենցավան համայնքի ավագանու 2013 թվականի հունվարի 14-ի 7-րդ թաղամասի 15-րդ շենքին բնակարանային բարելավման կարիք ունեցող անձանց լրացուցիչ ցանկը հաստատելու մասին թիվ 7 որոշումը և ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով՝
ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է.
1. Նախկինում ք.Չարենցավան Հոկտեմբերյան 7 հասցեում գտնվող վթարային հանրակացարանում բնակված՝ Արմինե Իվանի Սերոբյանին, Վոլոդյա Սամսոնի Պանյանին, Սիրանուշ Սերգեյի Մարցևային, Գոռ Դավիթի Օհանյանի, Շուրա Վազգենի Մանուկյանին, Սերգեյ Վյաչեսլավի Կիրակոսյանին, Գոհար Պարույրի Վարդանյանին հատկացված թվով 7 բնակարանները օտարել նվիրատվության եղանակով:
2. Նշված բնակարանները նվիրատվության կարգով օտարել որպես տվյալ բնակարանում հաշվառված և բնակվող անձանց ընդհանուր համատեղ սեփականություն,պայմանով, եթե տվյալ անձինք՝
- Հատկացման պահից 5 տարի անընդմեջ և բացահայտ,բնակվում են նշված բնակարանում
- Սահմանված կարգով կրել են բնակարանի պահպանման հոգսը,
- Հայաստանի Հանրապետությունում ձեռք չեն բերել այլ բնակելի տարածություն:
3. Սույն որոշումն ուժի մեջ է մտնում հաստատմանը հաջորդող օրվանից: