Բովանդակություն * | Չարենցավան համայնքի գյուղական բնակավայրերի վարչական ղեկավարների հետ խորհրդակցության ընթացքում համայնքի ղեկավար Հակոբ Շահգալդյանը հանձնարարեց հետևել գյուղերում աղբահանության և ձյան մաքրման աշխատանքներին: Գյուղերում լուսավորության համակարգի վնասված լամպերը ամսվա վերջում կփոխվեն, մարտի 15-ից կվերսկսվեն համայնքի ղեկավարի գյուղական այցելությունները: Յուրաքանչյուր չորեքշաբթի գյուղերից մեկում՝ վարչական ղեկավարի նստավայրերում, կլինի հանդիպում բնակիչների հետ, տեղում կքննարկվեն առկա խնդիրները: Հակոբ Շահգալդյանը տեղեկացրեց, որ հասարակական վարձատրվող աշխատանքների ծրագրով ամռան ամիսներին կբարեկարգվեն նաև գյուղական բնակավայրերի գերեզմանատները: Տարվա ընթացքում գյուղական բնակավայրերում լուսավորության համակարգի վերականգնման աշխատանքները կշարունակվեն, կկատարվեն փոսային ասֆալտապատման աշխատանքներ, կտեղադրվեն նստարաններ գյուղերի բանուկ մասերում: |