Այսօր: Հինգշաբթի, 9 Հուլիսի 2020թ.
Չարենցավանի համայնքապետարանի պաշտոնական կայք
Հյուրերի քանակը՝ 119
ԿՈՏԱՅՔԻ ՄԱՐԶԻ ՉԱՐԵՆՑԱՎԱՆ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ


ՆՈՐՈՒԹՅՈՒՆՆԵՐ
08.07.20 ՊԱՐԵՏԻ ՆՈՐ ՈՐՈՇՈՒՄԸ

Հարգելի' բնակիչներ, ՀՀ պարետի նոր որոշմամբ շնչառական հիվանդություններ ունեցող մեր քաղաքացիները կարող են դիմակ չկրել բաց տարածքներում:  Քրոնիկ շնչառական հիվանդություններ՝ ասթմա, թոքերի քրոնիկ օբստրուկտիվ հիվանդություն, էմֆիզեմա կամ բրոնխիտ` ծանր շնչառական անբավարարության առկայության դեպքում, ինչպես նաև 3-րդ, 4-րդ ֆունկցիոնալ դասի քրոնիկ սրտային անբավարարություն ունեցող անձինք հանրային բաց տարածքներում կարող են չկրել դիմակ՝ պայմանով, որ վերջիններս իրենց մոտ ունենան համապատասխան հիվանդության փաստը հաստատող բժշկական փաստաթուղթ: Սույն որոշումն ուժի մեջ է մտնում 2020 թվականի հուլիսի 8-ից՝ ժամը 23:59-ից:

08.07.20 ՄԻԱՍՆԱԿԱՆ ՔՆՆՈՒԹՅՈՒՆՆԵՐՆ ԱՎԱՐՏՎԵՑԻՆ

Այսօր միասնական քննությունների վերջին օրն է։  Ավագ դպրոցում մարզի 80 աշակերտ քննություն է հանձնում հայոց լեզու և գրականություն առարկայից, 3-րդ հիմնական դպրոցում 62 աշակերտ՝ հայոց լեզու և գրականությունից, 16 աշակերտ՝ ֆիզիկայից, 5-րդ հիմնական դպրոցում 78 դիմորդ քննություն է հանձնում կենսաբանություն առարկայից։ Մարզի ընդհանուր դիմորդների թիվն այս տարի 1003 է։ Հաջողություն ենք մաղթում բոլոր դիմորդներին և շնորհակալություն ենք հայտնում ՀՀ Կոտայքի մարզպետարանին և քննական դպրոցներին միասնական քննությունները պատշաճ կազմակերպելու և անցկացնելու համար։

07.07.20 ՋԵՐՄԱՄԵԿՈՒՍԱՑՄԱՆ ԱՇԽԱՏԱՆՔՆԵՐՆ ԱՎԱՐՏՎՈՒՄ ԵՆ

«Լուսաբաց» մանկապարտեզի մասնակի ջերմամեկուսացման աշխատանքները մոտենում են ավարտին։ Փոխվել են մանկապարտեզի 1-ին մասնաշենքի ճակատային մասի 4 խմբասենյակի և խոհանոցի պատուհանները և դռները։ Ծրագիրն իրականացվում է «Ուրբան» կայուն զարգացման հիմնադրամի և Չարենցավանի համայնքապետարանի համաֆինասավորմամբ։ Սրանից բացի համայնքապետարանի կողմից կկատարվի սանհանգույցների մասնակի նորոգում, կփոխվեն ծորակները, կտեղադրվեն ջրատաքացուցիչներ։

06.07.20 ԶԳՈՒՇԱՑԵՔ ԹՈՒՆԱՔԻՄԻԿԱՏՆԵՐԻՑ

Գյուղատնտեսական աշխատանքների մեկնարկին զուգահեռ ՀՀ առողջապահության նախարարությունը կարևորում է բնակչության շրջանում թունաքիմիկատներով թունավորումների կանխարգելման ուղղությամբ լայնածավալ իրազեկման աշխատանքները: Կից ներկայացվում է ՀՀ-ում թունաքիմիկատներով թունավորումների կանխարգելման հուշաթերթը, որտեղ կարող եք ծանոթանալ դրանց օգտագործման հետևանքով առաջացող առողջական խնդիրներից խուսափելու համար անհրաժեշտ միջոցառումներին:

https://docs.google.com/document/d/1BSJ3o36AnOHgvX4cN2c377UhkoAWT0AUB5gC7Qzkw0s/edit?fbclid=IwAR0Xxom1-r_X9FB9vI3mUpsQ9hds9BwT4yQbBFZLEhGSZQMcDLM5CNjVVrI

30.06.20 ԸՆԴՈՒՆԵԼՈՒԹՅԱՆ ՕՐԵՐ ՃԱՐՏԱՐԱՊԵՏՈՒԹՅԱՆ ԲԱԺՆՈՒՄ
Հարգելի՛ բնակիչներ, տեղեկացնում ենք, որ արտակարգ դրությամբ պայմանավորված մենք շարունակում ենք աշխատել շուրջօրյա և հնարավորության դեպքում՝ նաև առցանց։Համայնքապետարանի բաժիններում ստեղծվել են ընդունելության օրեր՝ առավել հրատապ հարցերի դեպքում բնակիչներին ընդունելու համար։Քաղաքաշինության, ճարտարապետության, գյուղատնտեսության, ճարտարապետության, բնակկոմունալ տնտեսության բաժնում ընդունելության օրերն են՝ երեքշաբթի, հինգշաբթի, ուրբաթ՝ ժամը 10։00-16։00-ն, ընդմիջում՝ 13։00-14։00։Հորդորում ենք ձեզ նշված օրերից և ժամերից բացի այս բաժնի հետ կապված հարցերով չայցելել համայնքապետարան։Ձեզ հուզող բոլոր հարցերի դեպքում կարող եք դիմել առցանց՝ Сharentsavan.am կայքում, կամ էլ գրելով մեր ֆեյսբուքյան էջին։Եկե'ք միասին ... Մանրամասն
30.06.20 ԲՋՆԻՈՒՄ ՕՐԳԱՆԱԿԱՆ ՋԵՐՄՈՑԸ ՊԱՏՐԱՍՏ Է

ՀՀ-ում Բուլղարիայի դեսպանատան և Չարենցավանի համայնքապետարանի կողմից ֆինանսավորվող «Բարի գալուստ օրգանական Կոտայք» ծրագիրը շարունակվում է։  Այն նախատեսում էր Բջնիի մանկապարտեզի բակում կառուցել ջերմոց և այնտեղ մշակել օրգանական բանջարեղեն։ Մանկապարտեզի աշխատակիցներն անցել են մասնագիտական դասընթաց և տեսական և գործնական գիտելիքների օգնությամբ սովորել մշակել օրգանական բանջարեղեն։ Այդ ընթացքում կառուցվել է ջերմոցը,  և այսօր արդեն մանկապարտեզի աշխատակիցներն իրականացրին սածիլատնկման աշխատանքները: Ծրագիրն իրականացվում է«Հյուման Դիգնիթի ընդ Փիս» բարեգործական հիմնադրամի (HDP), «Շենացնենք մեր գյուղը» ՀԿ-ի կողմից։

26.06.20 ԲԵՏՈՆԱՊԱՏՄԱՆ ԱՇԽԱՏԱՆՔՆԵՐ ԱՅԳՈՒՄ

«Մշակույթ» ՀՈԱԿ-ը շարունակում է «Հաղթանակ» զբոսայգու բարեկարգման համալիր ծրագիրը։ Երեկվանից մեկնարկել են այգու վնասված սալիկների բետոնապատման աշխատանքները։ Արդեն մի քանի օրից մեր բնակիչները հնարավորություն կունենան այգում զբոսնել հարթ ճեմուղիներով։ Հիշեցնենք, որ այգում վերջին 2 տարիների ընթացքում իրականացվել են մաքրության ծավալուն աշխատանքներ, վերանորոգվել և գործարկվել են այգում առկա շատրվանները, վերականգնվել է լուսավորության համակարգը, տեղադրվել են նստարաններ, որոնք սակայն գողացվել են։ Վերջնական բարեկարգման աշխատանքներից հետո նորից կտեղադրվեն նստարաններ այն հույսով, որ կծառայեն այգու հյուրերին։

1 2 3 4 5 6 7 8 9 10 ...


Բոլորը
Ավագանու նիստեր
Ավագանու թիվ3 արտահերթ նիստ, 20.05.2020թ.
Ավագանու թիվ1 արտահերթ նիստ, 20.01.2020թ.
Ավագանու թիվ 9 հերթական նիստ, 17.12.2019թ.
Ավագանու թիվ 8 արտահերթ նիստ, 19.11.2019թ.
Ավագանու թիվ 6 հերթական նիստ, 16.09.2019թ.
Ավագանու թիվ 5 արտահերթ նիստ, 10.07.2019թ.
Ավագանու թիվ 4 արտահերթ նիստ, 06.06.2019թ.
Ավագանու թիվ 3 հերթական նիստ, 12.04.2019թ.
Ավագանու թիվ 2 հերթական նիստ, 15.03.2019թ.
Ավագանու թիվ 1 արտահերթ նիստ 18.01.2019թ.
Ավագանու արտահերթ նիստ 21.11.2018թ.
Ավագանու արտահերթ նիստ 15.10.2018թ.
Ավագանու արտահերթ նիստ, 17.09.2018թ.
Ավագանու արտահերթ նիստ, 12.07.2018թ.
Չարենցավան համայնքի ավագանու նիստ, 13.06.2018թ.
Չարենցավան համայնքի ավագանու թիվ 5 արտահերթ նիստ 0
Ավագանու թիվ 4 արտահերթ նիստ, 19.03.2018
Չարենցավան համայնքի ավագանու նիստ, 20.02.2018
Չարենցավան համայնքի ավագանու նիստ, 20.11.2017թ.
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ, Կոտայքի մարզ, ք.Չարենցավան, Կ.Դեմիրճյանի անվ. հրապարակ 1

(226) 43434

charentsavan.kotayq@mta.gov.am

Պաշտոնական էլ. փոստ` 10029246@e-citizen.am
(միայն www.e-citizen.am համակարգով ծանուցումների համար)



© 2008 - 2020 Հեղինակային իրավունքները պաշտպանված են
ՉԱՐԵՆՑԱՎԱՆԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2.03
ԲԿԳ Մրցանակ 2015 - OGP Award 2015
2015 Regional Winner