| Բովանդակություն * | Այսօր համայնքապետարանում կայացած խորհրդակցությունների ընթացքում համայնքի ղեկավար Հակոբ Շահգալդյանն ամփոփեց նախորդ օրերի աշխատանքներն ու լսեց առաջացած խնդիրների մասին: Նախ մշակույթի, կրթության, սպորտի, երիտասարդության և սոցիալական աջակցության բաժնի պետ Արմինե Զաքարյանից տեղեկացավ մանկապարտեզների աշխատանքների վերաբերյալ. մարտի 1-ից աշխատում են նաև «Զանգակ» և Բջնիի մանկապարտեզները: Քաղաքաշինության, ճարտարապետության, բնակկոմունալ և գյուղատնտեսության բաժնի պետ Բենիկ Բալբաբյանը զեկուցեց, որ խոսել է Շինարարների փողոցի չօգտագործվող անշուք կրպակների տերերի հետ՝ դրանք մոտ օրերս մայթերից հեռացնելու նպատակով: Համայնքի ղեկավարը հանձնարարեց ձյան մաքրման աշխատանքների պատասխանատուներին արագ արձագանքել ձյան տեղումներին, աղ ու ավազով ճանապարհների մերկասառույցը հալեցնել: |