Այսօր առավոտյան համայնքի ղեկավար Հակոբ Շահգալդյանի մոտ խորհրդակցություն էր: Քննարկվեցին ընթացիկ ու սպասվելիք աշխատանքներն ու ծրագրերը: Այսօր Բջնիի մանկապարտեզում, իսկ հուլիսի 1-ից էլ Արզականի մանկապարտեզում կսկսվեն վերանորոգման աշխատանքները, որոնց արդյունքում մեկական խմբեր կավելանան այս նախադպրոցական հաստատություններում: Հուլիս ամսվա ընթացքում համայնքի մի շարք արահետներ կվերանորոգվեն, գրադարանի աստիճանահարթակների մոտ կկառուցվի թեքահարթակ: 4-րդ թաղամասի ունիվերսալ խաղահրապարակի արհեստական խոտածածկույթը կվերականգնվի, հաջորդ տարի էլ ամբողջությամբ կվերանորոգվեն բոլոր խաղահրապարակները: Համայնքի ղեկավարը հանձնարարեց հետևել համայնքում աղբահանության, մաքրության աշխատանքներին, թույլ չտալ հատկապես շինարարական աղբի կուտակումներ, ժամանակին կատարել խոտհունձը: