Ղեկավարվելով Հայաստանի Հանրապետության Կառավարության 2006 թվականի մայիսի 18-ի թիվ 912-Ն որոշման 25-րդ կետի և 32-րդ կետի ա/,բ/ ենթակետերի պահանջներով, 2005 թվականի դեկտեմբերի 29-ի թիվ 2387-Ն որոշման դրույթներով, առաջնորդվելով «Գույքի նկատմամբ իրավունքների պետական գրանցման մասին» օրենքի 46-րդ հոդվածներով և հիմք ընդունելով Հ. Ներսիսյանի 2025 թվականի ապրիլի 21-ի թիվ 2315/07 դիմումը՝ որոշում եմ.

Չարենցավան քաղաքի 3-րդ թաղամասի թիվ 25 բազմաբնակարան բնակելի շենքի պահպանման և սպասարկման համար անհրաժեշտ, ինչպես նաև շենքի օրինական ճանաչված կցակառույցների պարագծով դրա տակ գտնվող 07-007-0048-0068 ծածկագրով946.7 քմ հողամասը, հաստատված հատակագծի համաձայն, անհատույց, ընդհանուր բաժնային սեփականության իրավունքով փոխանցել բազմաբնակարան շենքի բնակարանների և ոչ բնակելի տարածքների սեփականատերերին:

Տալ համաձայնություն սեփականության իրավունքով Հովհաննես և Շուշանիկ Ներսիսյաններին պատկանող ք․ Չարենցավան 3-րդ թաղամաս 25-րդ շենք թիվ 31 և ք․ Չարենցավան 3-րդ թաղամաս 25-րդ շենք թիվ 32 բնակարանները միավորել` դարձնելով մեկ միավոր և հասցեավորել որպես ք․ Չարենցավան 3-րդ թաղամաս 25-րդ շենք թիվ 31-32 բնակարան:

1. Ճանաչել օրինական Չարենցավան քաղաքի 3-րդ թաղամասի թիվ 25 բազմաբնակարան բնակելի շենքի տարածքում ինքնակամ կառուցված շինությունները:

2. Ընդունել ի գիտություն, որ Չարենցավան քաղաքի 3-րդ թաղամասի թիվ 25 շենքում գտնվող բազմաբնակարան բնակելի շենքի տարածքում ինքնակամ իրականացված կառույցների պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին և առողջությանը, կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք:

3. Սահմանել, որ ընդհանուր համատեղ սեփականության իրավունքով Հովհաննես և Շուշանիկ Ներսիսյաններին պատկանող 3-րդ թաղամասի 25-րդ շենքի թիվ 31-32 բնակարանին կցակառույց 55.6 քմ արտաքին մակերեսով օրինական ճանաչված շինության, ինքնակամ բացված 1  դռան համար 30 օրյա ժամկետում Չարենցավան համայնքի 900135101559 հաշվարկային հաշվին 37000 ՀՀ դրամ չվճարելու դեպքում սույն որոշումը համարվում է ուժը կորցրած:

4. Սույն որոշումից ծագող իրավունքները ենթակա են պետական գրանցման`համաձայն «Մափինգ» ՍՊԸ-ի կողմից հաստատված հաշվառման /չափագրման/ տվյալների մուտքագրման 2023Y5VWZB ծածկագրի:

5. Սույն որոշման կատարման հսկողությունը դնել քաղաքաշինության, ճարտարապետության, գյուղատնտեսության և բնակկոմունալ տնտեսության բաժնի պետ Բ. Բալբաբյանի վրա:

6.Սույն որոշումն ուժի մեջ է մտնում ստորագրման պահից: