ՆԱԽԱԳԻԾ

Վարչական իրավախախտման վերաբերյալ գործի նկարագրությունը, վարչական ակտն ընդունելու համար հիմք հանդիսացող փաստերը. ՀՀ Կոտայքի մարզի Չարենցավանի համայնքապետարանի աշխատակազմի քաղաքաշինության, ճարտարապետության, գյուղատնտեսության և բնակկոմունալ տնտեսության բաժնի պետի 2025 թվականի հոկտեմբերի 03-ի արձանագրության համաձայն Չարենցավան քաղաքի 3-րդ թաղամասի 35- րդ շենքի թիվ 11 բնակարանի բնակիչ Արթուր Էդուրադի Սահակյանի կողմից Չարենցավան համայնքի սեփականություն հանդիսացող հողատարածքում` ք. Չարենցավան, 3-րդ թաղամասի 35-րդ շենքի շրջակայքում կատարվել է գոյություն ունեցող ավտոտնակի վերակառուցման աշխատանքներ՝ առանց համապատասխան թույլտվության` խախտելով Վարչական իրավախախտումների վերաբերյալ օրենսգրքի այսուհետ` Օրենսգիրք 154-րդ հոդվածի 3-րդ մասի հատկանիշները, այն է` սույն հոդվածի 1-ին և 2-րդ մասերով սահմանված արարքներից որևէ մեկը պետությանը, համայնքներին, ֆիզիկական կամ իրավաբանական անձանց սեփականության իրավունքով պատկանող հողամասերի վրա կատարելը հողօգտագործման իրավունք չունեցող անձի կողմից՝ առաջացնում է տուգանքի նշանակում՝ սահմանված նվազագույն աշխատավարձի երկուհազարապատիկից երկուհազարհինգհարյուրապատիկի չափով: Փաստի առթիվ 03․10․2025թ․ Չարենցավան համայնքի ղեկավարի կողմից ընդունվել է համար 1176 որոշումը` Քաղաքացի Արթուր Էդուարդի Սահակյանի նկատմամբ վարչական վարույթ հարուցելու և լսումների օր նշանակելու մասին։ Հարուցված վարչական վարույթի շրջանակներում 2025թ․ հոկտեմբերի 09-ին ժամը 11։00-ին հրավիրվել է վարչական վարույթի լսումներ, որին մասնակցելու նպատակով պատշաճ ծանուցվել է Արթուր Էդուարդի Սահակյանը։ Արթուր Էդուարդի Սահակյանը մասնակցել է լսումներին և հայտնել, որ իր կողմից կատարվել է գոյություն ունեցող ավտոտնակի վերակառուցման աշխատանքներ` առանց համապատասխան թույլտվության։ Վերոգրյալի հիման վրա, հիմք ընդունելով Օրենսգրքի 219.1-րդ, 305-րդ հոդվածների, Տեղական ինքնակառավարման մասին օրենքի 35-րդ հոդվածի 1-ին մասի 26-րդ կետի դրույթները, Չարենցավան համայնքի ղեկավարին կից աշխատանքային խմբի 2025 թվականի հոկտեմբերի 09-ի թիվ 18 նիստի արձանագրությունը`

Ո Ր Ո Շ Ե Ց Ի 1. Արթուր Էդուարդի Սահակյանին ենթարկել վարչական պատասխանատվության` Օրենսգրքի 154-րդ հոդվածով /3-րդ մաս / նախատեսված խախտում թույլ տալու համար և նշանակել վարչական տուգանք 2.000.000 /երկու միլիոն/ ՀՀ դրամի չափով:

2. Տուգանքը պետք է վճարվի սույն որոշումը իրավախախտում կատարած անձի կողմից ստանալուց ոչ ուշ քան տասնհինգ օրվա ընթացքում` Չարենցավան համայնքի 900135101203 հաշվեհամարին:

3. Վճարումը սահմանված ժամկետում չիրականացնելու դեպքում գումարը կգանձվի ՀՀ ԱՆ դատական ակտերի հարկադիր կատարման ծառայության կողմից:

4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից:

5. Սույն որոշումը կարող է բողոքարկվել Հայաստանի Հանրապետության օրենսդրությամբ սահմանված կարգով: