1․Վարչական իրավախախտման վերաբերյալ գործի նկարագրությունը․

     Համաձայն Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալի 31․03․2025թ․ համար ՔՏՄ/13․6/8727-25 գրության 07-008-0282-0179 կադաստրային ծածկագրով հողամասը հանդիսանում է պետական սեփականություն հանդիսացող անտառային գոտու հողամաս, որը Ծովինար Իշխանի Ադամյանը վարձակալել է «Հայանտառ» ՊՈԱԿ-ից, և 22․05․2015թ․անտառայինհողերիվարձակալությանպայմանագրով  հատկացվածտարածքումկառուցվելեն ինքնակամ բետոնե շինություններ։

     Փաստի առթիվ 03․04․2025թ․Չարենցավան համայնքի ղեկավարի կողմից ընդունվել է համար 507 որոշումը   Քաղաքացի Ծովինար Ադամյանի նկատմամբ վարչական վարույթ հարուցելու և լսումների օր նշանակելու մասին։

     Հարուցված վարչական վարույթի շրջանակներում 2025թ․ապրիլի 10-ինժամը 11։00-ինհրավիրվելէվարչականվարույթի լսումներ, որին մասնակցելու նպատակով պատշաճ ծանուցվել է Ծովինար Իշխանի Ադամյանը, սակայն նիստին չի ներկայացել։

     Չարենցավան համայնքի ղեկավարի կողմից 16․04․2025թ․ ընդունվել է Քաղաքացի Ծովինար Իշխանի Ադամյանի նկատմամբ հարուցված վարչական վարույթի ժամկետը երկարաձգելու մասին թիվ 562 որոշումը։ 2025թ․ ապրիլի 18-ին ժամը 11։00-ին հրավիրվել է վարչական վարույթի լսումներ, որին մասնակցել է  Ծովինար Իշխանի Ադամյանի կողմից լիազորված Կարեն Տարոնի Եփրեմյանը։

     Կարեն Տարոնի Եփրեմյանը /լիազորված անձ/ մասնակցել է լսումներին ևհայտնել, որվարձակալածտարածքումԾովինար Իշխանի Ադամյանիկողմից կառուցվել է բետոնե հիմքով փայտյա տաղավարներ։

2․ Վարչական ակտն ընդունելու համար հիմք հանդիսացող փաստերը.

     Վարչական գործի փաստական հանգամանքների բազմակողմանի, լրիվ և օբյեկտիվ քննության արդյունքում ձեռք բերված ապացույցներով, վարչական մարմինը հաստատված է համարում հետևյալը՝

ա․ 31․03․2025թ․ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալի թիվ ՔՏՄ/13․6/8727-25  գրությունը  իրականացված ինքնակամ շինությունների վերաբերյալ։

բ․ 03․04․2025թ. Չարենցավան համայնքիղեկավարի համար 507 որոշմամբ վարչական վարույթ հարուցվելու փաստը։

գ․ 16․04․2025թ․ Չարենցավան համայնքի ղեկավարի համար 562 որոշմամբհարուցված վարչական վարույթի ժամկետը երկարաձգելու փաստը։

դ․Առանց համապատասխան քաղաքաշինական փաստաթղթերի իրականացված վերոնշված շինությունները գտնվում են «Հայանտառ» ՊՈԱԿ-ի տարածքում և հանդիսանում են պետական սեփականություն։

ե․Չարենցավան համայնքի ղեկավարին կից աշխատանքային խմբի կողմից կատարված տեղատեսության ժամանակ կատարված լուսանկարները։

3․ Վարչական ակտն ընդունելու հիմնավորումը.

    Համաձայն քաղաքացիական օրենսգրքի 188-րդ հոդվածի 3-րդ մասի՝ ․․․Հողամասի սեփականատերն իրավունք ունի քանդելու իր հողամասում գտնվող ինքնակամ կառույցը՝ առանց դատարան դիմելու։Պետական կամ համայնքային սեփականություն հանդիսացող հողամասում գտնվող ինքնակամ կառույցի քանդման (ապամոնտաժման) մասին որոշում կայացնում են օրենքով սահմանված իրավասու մարմինները․․․։

    ․․․Ուրիշի հողամասում ինքնակամ կառույց իրականացրած անձը պարտավոր է հատուցել հողամասի սեփականատիրոջը հասցրած վնասը, ներառյալ՝ ինքնակամ կառույցի քանդման (ապամոնտաժման) և հողամասի նախկին վիճակի վերականգնման ծախսերը․․․։

     ՀՀ կառավարության 2006 թվականի մայիսի 18-ի համար 912-Ն որոշման 2-րդ կետով սահմանված է, որ օրինականացման ենթակա չեն այն ինքնակամ կառույցները՝

ա. որոնց պահպանումը խախտում է այլ անձանց իրավունքները և oրենքով պահպանվող շահերը կամ վտանգ է uպառնում քաղաքացիների կյանքին ու առողջությանը.

բ. որոնք կառուցված են հողային oրենuգրքի 60-րդ հոդվածով uահմանված հողամաuերի վրա, ինչպեu նաև ինժեներատրանuպորտային oբյեկտների oտարման կամ անվտանգության գոտիներում կամ կառուցված են քաղաքաշինական նորմերի ու կանոնների էական խախտումներով և առաջացնում են հարկադիր uերվիտուտ պահանջելու իրավունք:

     Համաձայն ՀՀ կառավարության 2006 թվականի մայիսի 18-ի համար 912-Ն որոշման հավելվածի 33-րդ կետի՝ համայնքի ղեկավարը սեփական նախաձեռնությամբ ընդունում է որոշում պետական կամ համայնքային սեփականություն հանդիսացող հողամասերում գտնվող ինքնակամ կառույցներն օրինականացնելու կամ քանդելու մասին:

     Համաձայն «Տեղական ինքնակառավարման մասին» օրենքի 42-րդ հոդվածի 2-րդ մասի 1-ին կետի՝ համայնքի ղեկավարը, որպես պատվիրակված լիազորություն.

1) համայնքի վարչական սահմաններում գտնվող պետական սեփականություն հանդիսացող հողամասում կանխարգելում ու կասեցնում է ինքնակամ շինարարությունը և օրենքով սահմանված կարգով ապահովում է դրանց հետևանքների վերացումը, ընդունում է համայնքի վարչական սահմաններում գտնվող պետական սեփականություն հանդիսացող հողամասում ինքնակամ կառույցի քանդման (ապամոնտաժման) մասին որոշում և իր լիազորությունների շրջանակներում օրենսդրությամբ սահմանված կարգով ապահովում է ինքնակամ կառույցի քանդման (ապամոնտաժման) մասին որոշման կատարումը:

     ՀՀ վարչական իրավախախտումների վերաբերյալ ՀՀ օրենսգրքի 37-րդ հոդվածի համաձայն` Վարչական տույժը կարող է նշանակվել իրավախախտումը կատարվելու օրվանից ոչ ուշ, քան երկու ամսվա ընթացքում, բացառությամբ սույն հոդվածով նախատեսված դեպքերի, իսկ շարունակվող և տևող իրավախախտման դեպքում` այն բացահայտվելու օրվանից երկու ամսվա ընթացքում, բացառությամբ սույն հոդվածով նախատեսված դեպքերի:

     Տվյալ դեպքում իրավախախտումը կատարվել է 31․03․2025թ․առաջմինչև Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալի 31․03․2025թ․ համար ՔՏՄ/13․6/8727-25 գրությունը ուղված Չարենցավան համայնքի ղեկավարին։

     Հաշվի առնելով վերը նշված փաստական ու իրավական հիմնավորումները և հարուցված վարչական վարույթի ընթացքում ձեռք բերված ապացույցները, հիմք ընդունելով ՀՀ քաղաքացիական օրենսգրքի 188-րդ հոդվածի 3-րդ մասի, «Տեղական ինքնակառավարման մասին» ՀՀ օրենքի 42-րդ հոդվածի 2-րդ մասի 1-ին կետի, «Վարչարարության հիմունքների և վարչական վարույթի մասին» ՀՀ օրենքի 58-րդ և 60-րդ հոդվածների, ՀՀ վարչական իրավախախտումների վերաբերյալ ՀՀ օրենսգրքի 37-րդ հոդվածի, ՀՀ կառավարության 2006 թվականի մայիսի 18-ի համար 912-Ն որոշման 2-րդ կետի ա և բ ենթակետի դրույթները.

 Ո Ր Ո Շ Ե Ց Ի

1.      Ապամոնտաժել՝ «Հայանտառ» ՊՈԱԿ-ի տարածքում՝ Ծովինար Իշխանի Ադամյանի կողմից  պետական սեփականություն հանդիսացող հողամասի վարձակալության իրավունքի տրամադրման մասին 22․05․2015թ․պայմանագրով վարձակալվածտարածքումինքնակամ կառուցված բետոնե հիմքով փայտյա տաղավարները և պետական սեփականություն հանդիսացող հողամասը բերել նախկին տեսքի։

2.    Որոշումն ի կատար ածելու համար ուղարկել հողամասի կառավարումն իրականացնող «Հայանտառ» ՊՈԱԿ-ին։

3.    Առաջարկել ՀՀ ներքին գործերի նախարարության ոստիկանության համայնքային ոստիկանության գլխավոր վարչության Չարենցավանի բաժնի պետին՝ սույն որոշման 2-րդ կետի համաձայն՝ «Հայանտառ» ՊՈԱԿ -ի կողմից վարչական հարկադրանքի միջոցներ կիրառվելու ընթացքում, համապատասխան վայրում ապահովել հասարակական կարգի պահպանումը։

4.    Ծովինար Իշխանի Ադամյանին ազատել վարչական պատասխանատվությունից վարչական տույժ նշանակելու ժամկետը լրացած լինելու հիմքով:

5.    Սույն որոշմամբ նախատեսված ապամոնտաժման ու դրան զուգորդող այլ աշխատանքների իրականացման հետ կապված ծախսերը փոխհատուցում է ինքնակամ կառույցն իրականացրած անձը:

6.    Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից:

7.    Որոշումը կարող է վարչական կարգով բողոքարկվել Չարենցավան համայնքի ղեկավարին կամ դատական կարգով Հայաստանի Հանրապետության վարչական դատարան՝ օրենքով սահմանված կարգով և ժամկետներում:

8.    Սույն որոշման կատարման ընթացքի նկատմամբ հսկողությունն ապահովում է Չարենցավանի համայնքապետարանի աշխատակազմի քարտուղարը։