Ղեկավարվելով «Տեղական ինքնակառավարման մասին» օրենքով, Քաղաքացիական օրենսգրքի 188-րդ հոդվածի դրույթներով, Հայաստանի Հանրապետության Կառավարության 2006 թվականի մայիսի 18-ի թիվ 731-Ն, 912-Ն և 2005 թվականի դեկտեմբերի 29-ի թիվ 2387-Ն որոշումներով` որոշում եմ.
1. Չարենցավանի Հ. Թումանյան փողոցի հարակից տարածքում գտնվող 24.5 քմ արտաքին մակերեսով` Աղասի Այվազյանի կողմից ինքնակամ կառուցված առևտրի սրահը ճանաչել օրինական համայնքային սեփականություն և ներկայացնել գրանցման` համաձայն «Գեոկադ 55» ՍՊԸ-ի կողմից հաստատված հաշվառման /չափագրման/ տվյալների մուտքագրման 2022QQ8DWM ծածկագրի:
2. Նկատի ունենալով, որ շինության զբաղեցրած հողատարածքով անցնող ջրագիծը տեղափոխվել է Չարենցավան քաղաքի ջրամատակարարման համակարգի բարելավումը ծրագիրն իրականացնելու ընթացքում, առևտրի սրահի սպասարկման նպատակով առանձնացված բնակավայրերի ընդհանուր օգտագործման 24.5 քմ մակերեսով հողատարածքի գործառնական նշանակությունը համարել փոխված` որպես բնակավայրերի հասարակական կառուցապատման հողատարածք:
3. Ընդունել ի գիտություն, որ`
1) Շինության պահպանումը չի խախտում այլ անձանց իրավունքները և վտանգ չի սպառնում քաղաքացիների կյանքին ու առողջությանը:
2) Շինությունը կառուցված չէ Հողային օրենսգրքի 60-րդ հոդվածով սահմանված հողամասերի վրա:
3) Շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:
4. Օրինական ճանաչված շինությունը և դրա պահպանման ու սպասարկման համար առանձնացված հողամասը հասցեավորել ք.Չարենցավան Հ. Թումանյան փողոց թիվ 88 հասցեով:
5. Սույն որոշումը սահմանված կարգով ենթակա է գրանցման ՀՀ ԿԱ ԱԳԿՊԿ-ում:
6. Սույն որոշումը գրանցումից հետո առաջարկել ինքնակամ կառույցն իրականացրած Աղասի Այվազյանին` գնման նախապատվության իրավունքով ձեռք բերելու շինությունը և նրանով զբաղեցրած հողատարածքը:
7. Սույն որոշումն ուժի մեջ է մտնում հաստատման պահից: