ՆԱԽԱԳԻԾ

Չարենցավան  համայնքի ղեկավարի որոշման կարգավորման առարկան.

Քաղաքացի Մարտունի Ասլանի Ասլանյանը, հանդիսանալով գույքի սեփականատեր, հանդիսանում է տվյալ գույքի համար օրենքով նախատեսված հարկի /հողի հարկ/ վճարող սուբյեկտ, սակայն, խախտելով իրավահարաբերության ծագման պահին գործող <<Հարկերի մասին>> օրենքը, ժամանակին չի կատարել օրենքով իր վրա դրված հարկը վճարելու պարտավորությունը:

Ըստ հարկման բազայում առկա տվյալների՝ Մարտունի Ասլանի Ասլանյանը հանդիսանում է  Չարենցավան համայնքի, Ալափարս գյուղում գտնվող հողերի (կադաստրային ծածկագրեր` 060-004, 245-085, 245-085, 245-084, 258-003, 280-004, 208-005, 245-086) սեփականատեր:

Ըստ հարկային պարտավորությունների վերաբերյալ տեղեկանքի` 2021 թվականի հոկտեմբերի 26-ի դրությամբ Չարենցավան համայնքի բյուջեի նկատմամբ վերջինիս վճարման ենթակա պարտքը կազմում է 153 973 ՀՀ դրամ, որից ապառք` 79 326 ՀՀ դրամ, տույժ` 74 647 ՀՀ դրամ:

 Հարուցված վարչական վարույթի շրջանակներում 2021 թվականի նոյեմբերի 24-ին հրավիրվել են վարչական վարույթի լսումներ:

<<Վարչարարության հիմունքների եվ վարչական վարույթի մասին>> ՀՀ օրենքի 35-րդ հոդվածով քաղաքացին պատշաճ կերպով ծանուցվել է վարչական վարույթի լսումների օրվա, ժամի, վայրի մասին, չի ներկայացել վարույթի լսումներին և չի ներկայացրել առարկություններ:

Համաձայն <<Վարչարարության հիմունքների և վարչական վարույթի մասին>> օրենքի 53-րդ հոդվածի 1-ին մասի` վարչական ակտն արտաքին ներգործություն ունեցող այն որոշումը, կարգադրությունը կամ այլ անհատական իրավական ակտն է, որը վարչական մարմինն ընդունել է հանրային իրավունքի բնագավառում կոնկրետ գործի կարգավորման նպատակով, և ուղղված է անձանց համար իրավունքներ և պարտականություններ սահմանելուն, փոփոխելուն, վերացնելուն կամ ճանաչելուն:

Ղեկավարվելով վերոգրյալի պահանջներով, հիմք ընդունելով Հայաստանի Հանրապետության Հարկային օրենսգրքի 447-րդ հոդվածի 1-ին  և 5-րդ մասերով.

Ո Ր Ո Շ Ե Ց Ի

1.            Քաղաքացի Մարտունի Ասլանի Ասլանյանից հօգուտ Չարենցավան համայնքի բյուջե գանձել 153 973ՀՀ դրամ:

2.           Սույն որոշումը կարող է բողոքարկվել վարչական մարմնին կամ դատական կարգով Հայաստանի Հանրապետության վարչական դատարան` երկամսյա ժամկետում:

3.           Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին>> օրենքի 88-րդ հոդվածով սահմանված կարգով այն ենթակա է հարկադիր կատարման` ՀՀ ԱՆ հարկադիր կատարումն ապահովող ծառայության միջոցով` անբողոքարկելի դառնալուց հետո եռամսյա ժամկետում:

4.           Գանձված գումարը ենթակա է վճարման հողի հարկի դեպքում՝ 900 135 104 025 հաշվեհամարին:

5.           Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: