Ղեկավարվելով «Տեղական ինքնակառավարման մասին» օրենքով, Քաղաքացիական օրենսգրքի 188-րդ հոդվածի դրույթներով, Հայաստանի Հանրապետության Կառավարության 2006 թվականի մայիսի 18-ի թիվ 731-Ն, 912-Ն և 2005 թվականի դեկտեմբերի 29-ի թիվ 2387-Ն որոշումներով` որոշում եմ.

1. Ճանաչել օրինական համայնքային սեփականություն հանդիսացող հողատարածքում Սեյրան Մելիքյանի կողմից ինքնակամ կառուցված 33.53 քմ արտաքին մակերեսով ավտոտնակը, 7.07 քմ արտաքին մակերեսով նկուղը և ներկայացնել պետական գրանցման` համաձայն «Պիռամիդա» ՍՊԸ-ի կողմից հաստատված հաշվառման /չափագրման/ տվյալների մուտքագրման 2023YSMAJD ծածկագրի:

2. Ավտոտնակի սպասարկման նպատակով հատկացնել 33.5 քմ մակերեսով՝ բնակավայրերի բնակելի կառուցապատման հողատարածք:

3. Ընդունել ի գիտություն, որ`

    1) Շինության պահպանումը չի խախտում այլ անձանց իրավունքները և վտանգ չի սպառնում քաղաքացիների կյանքին ու առողջությանը:

   2) Շինությունը կառուցված չէ Հողային օրենսգրքի 60-րդ հոդվածով սահմանված հողամասերի վրա:

   3) Շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:

4. Օրինական ճանաչված շինությունը և դրա պահպանման ու սպասարկման համար առանձնացված հողամասը հասցեավորել ք. Չարենցավան 3–րդ թաղամաս 2–րդ փողոց 1–ին փակուղի թիվ 12 հասցեով:

5. Սույն որոշմամբ դադարեցնել 07-007-0038-0094 ծածկագրով համայնքային սեփականություն հանդիսացող 20 քմ մակերեսով հողամասի նկատմամբ կատարված իրավունքի պետական գրանցումը և ուժը կորցրած ճանաչել թիվ 27062014-07-0041 վկայականը:

6. Սույն որոշումը սահմանված կարգով ենթակա է գրանցման ՀՀ ԿԱ ԱԳԿՊԿ-ում:

7. Սույն որոշումը գրանցումից հետո առաջարկել ինքնակամ կառույցն իրականացրած Սեյրան Մելիքյանին՝ գնման նախապատվության իրավունքով ձեռք բերելու շինությունը և նրանով զբաղեցրած հողատարածքը:

8. Սույն որոշումն ուժի մեջ է մտնում ստորագրման պահից: