Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 10-րդ կետով և հիմք ընդունելով ՀՀ գլխավոր դատախազության պետական շահերի պաշտպանության վարչության դատախազի և ՀՀ դատախազության Կոտայքի մարզի դատախազության դատախազի Առաջարկություն՝ հայց ներկայացնելու վերաբերյալ գրությունները, Չարենցավան համայնքի ավագանին որոշում է՝

1. Համայնքային շահերի պաշտպանության նպատակով հայց հարուցել իրավասու դատարան.

1)     Անվավեր ճանաչել Չարենցավան համայնքի ղեկավարի 26.02.2008թ. թիվ 71 որոշումը և որպես հետևանք անվավեր ճանաչել Անահիտ Սարգսյանի անվամբ 25.03.2008թ. կատարված սեփականության իրավունքի պետական գրանցումը։

2)    Անվավեր ճանաչել Չարենցավան համայնքի ղեկավարի 27.07.2022թ. թիվ 930 որոշումը և որպես հետևանք անվավեր  ճանաչել 12.08.2022թ. թիվ 61 շինարարության թույլտվությունը, Պավել Կամոյի Գաբրելյանի անվամբ 12.08.2022թ. կատարված ՀՀ Կոտայքի մարզի Չարենցավան համայնքի Ա. Խանջյան փողոցի 21/3 հասցեի 0,00198հա հողամասի կառուցապատման իրավունքի պետական գրանցումը։

2.Լիազորել Չարենցավան համայնքի ղեկավարի առաջին տեղակալին Չարենցավան համայնքի   ավագանու անունից կնքելու պայմանագիր փաստաբանական ծառայությունների մատուցման համար։

3.ՀՀ քաղաքացիական դատավարության օրենսգրքի 56-րդ հոդվածով սահմանված լիազորություններով, բացառությամբ հաշտության համաձայնություն կնքելու լիազորության, փաստաբանին տալ լիազորագիր։

4. Չարենցավան համայնքի բյուջեից գումար հատկացնել փաստաբանական ծառայությունների մատուցման և դատական ծախսերի համար։

5. Սույն որոշումն ուժի մեջ է մտնում հրապարակման օրվանից: