Մասնակցային բյուջետավորումը բնակիչների հանրային մասնակցության նորարար մոտեցում է։

Այն հնարավորություն է տալիս ցանկացած բնակչի ներկայացնել համայնքային կապիտալ ծրագիր /կառուցում, նորոգում, վերանորոգում/, որն էլ մասնակցում է քվեարկության և հաղթելու դեպքում ֆինանսովորվում է։

Կարևոր է բնակիչների ակտիվ մասնակցությունը քվեարկության կարգին։ Այսինքն՝ բնակիչներն սկսում են մուտք գործել պաշտոնական կայք, ծանոթանում են մի շարք գործիքների, իրենց ձայնն են տալիս այս կամ այն ծրագրին, հետևում են քվերակության ընթացքին, արդյունքում իրենց մասնակցությունն են ունենում որոշումների կայացման գործընթացում։

Չարենցավանի համայնքապետարանում ծրագրային հայտերի ընդունման գործընթացը կմեկնարկի հունվարին։ Իսկ մինչ այդ կլինեն իրազեկման արշավներ գյուղական բնակավայրերում։

Հետևե՛ք մեր էջերին կարևոր ժամկետները բաց չթողնելու և ձեր համայնքին փոփոխություններ բերելու հնարավորությունն իրացնելու համար։

Հայտադիմումը, ընթացակարգերը, տեղեկատու կոնտակտային տվյալներն ու այլ մանրամասները կհրապարկվեն հաջորդիվ։