Համաձայն <<Արտակարգ իրավիճակներում բնակչության պաշտպանության մասին>> օրենքի 16-րդ հոդվածի 1-ին մասի <<դ>> կետի, հիմք ընդունելով Հայաստանի Հանրապետության Կոտայքի մարզպետի 2025 թվականի մարտի 19-ի <<Հայաստանի Հանրապետության Կոտայքի մարզի տարածքում 2025 թվականի ընթացքում հնարավոր ջրհեղեղների, հեղեղումների, սելավների, քարթափումների և սողանքների կանխարգելման, հետևանքների նվազեցման ու վերացման միջոցառումների պլանի հաստատման մասին>> N 98-Ա որոշումը՝ Չարենցավան համայնքի տարածքում 2025 թվականի ընթացքում հնարավոր ջրհեղեղների, հեղեղումների, սելավների, քարթափումների և սողանքների կանխարգելման, հետևանքների նվազեցման ու վերացման միջոցառումների կազմակերպման նպատակով որոշում եմ.

1. Հաստատել Հայաստանի Հանրապետության Կոտայքի մարզի Չարենցավան համայնքի տարածքում 2025 թվականի ընթացքում հնարավոր ջրհեղեղների, հեղեղումների, սելավների, քարթափումների և սողանքների կանխարգելման, հետևանքների նվազեցման ու վերացման միջոցառումների պլանը՝ համաձայն N 1 հավելվածի:

2. Մինչև 2025 թվականի ապրիլի 10-ը ներառյալ Հայաստանի Հանրապետության ներքին գործերի նախարարության փրկարարական ծառայության Կոտայքի մարզային փրկարարական վարչություն ներկայացնել՝

1) համապատասխան միջոցառումների պլան.

2) տեղեկատվություն համայնքի հակահեղեղային կառույցների հաշվառման վերաբերյալ՝ համաձայն N 2 հավելվածի:

3) առաջարկություն՝ համայնքին սպառնացող պոտենցիալ վտանգավոր տեղամասերի և բնակչության անվտանգության ապահովման ուղղությամբ նախատեսվող միջոցառումների վերաբերյալ՝ համաձայն N 3 հավելվածի.

3. Սույն որոշման կատարման հսկողությունը դնել համայնքի ղեկավարի խորհրդական Արսեն Խլղաթյանի վրա:

4. Սույն որոշումն ուժի մեջ է մտնում ստորագրման օրվանից: